|
Als Ende Juni uf de Brick
De Schtaatsakt war vorriwer,
Gabs blous aa Maanung: "Was e Glick,
Jetzt kenne mer widder niwer
Sou oft mer welle, ohne Geld
Un ohne lang zu watte.”
Un alles hot sisch imgeschtellt
Rings um de "Karwegatte".
Die Fähr schteht jetzt verlosse do,
Blous Kinner noch druff schpiele.
Un aach die Gäns, die wackle froh
Mit ruhischem Gefiehle.
Die alte Leit dun efters jetzt
Sisch in de Anlag sunne.
Die Bank seun alleweil besetzt,
Weil all der Lärm verschwunne.
Es Fährhaus is a widder frei,
Schteht do im diefste Friede,
Des kennt die Schtadt so newebei
An Liewesleit vermiete.
Die Dreschmaschin war a scho do
Am Schtammplatz, an ihrm alte,
Genau wie frieher, newedro
Zischeunerwaache halte.
E Schticksche weiter, an de Besch,
Do leische Schtämm do drunne,
Die Heis'jen all aus Holz und Blech
Seun iwer Nacht verschwunne
Sou hat geännert sich des Bild,
Die Schteg seun abgerisse,
Vergesse is des "Ferry"-Schild
Kaan Mensch dut des vermisse.
De "Jupp" sitzt uff de Bricke druff,
Dut Schportchen brav verkaafe.
De "Pitt" mecht in die Glanzstoff nuff,
Schtatt fahrn, muß er jetzt laafe.
Soweit is alles schee un gut.
Blous heert mer manchmal schenne,
Denn uff de neie Brick, do dut
Kaa aanzig Lämbche brenne.
Noch ebbes schtört uns beim Passiern
Vom Gehsteig, von dem glatte,
Denn dorsch de Sohle dut mer schpiern
Die 'Warze" uff de Platte.
Weil nix vollkomme uff de Welt
Solls seun des größte Üwwel.
Mir schparn jetzt widder Zeit und Geld
Trotz Dunkelheit und Hüwwel.
Mer hewwe widder jetzt e Brick
Un dun uns glicklich preiße.
Un kaaner kimmt jetzt mehr zurick,
Der mit dem Zug muß reise.
Verbunne is de Kreisstadt jetzt
Mit ihrm Gebiet im Oste.
Un was die Hauptsach is zuletzt:
Die Brick dut uns nix koste.
Gustel Konze 10.9.1949
anläßlich der Einweihung der Mainbrücke
|
